Scientific Units: Physics

Ampere – Electric Current
Angstrom – Wavelength of light
Bar – Atmospheric Pressure
Becquerel – Activity of a radionuclide
Coulomb – Electric charge
Dioptre – Power of a lens
Decibel – Intensity of sound
Dalton – Atomic mass
Darcy – Permeability
Force – Newton
Farad – Electric capacitance
Fathom – Depth of sea
Henry – Inductance
Hertz – Frequency of sound
Joule – Work or Energy
Knot – Speed of ship
Kilowatt – Electric power
Kelvin – Thermodynamic Temperature
Lax – Illuminance
Maxwell – Magnetic flux
Ohm – Electric resistance
Volt – Electric potential
Watt – Power
Siemens – Electric Conductance

National Games of Various Countries

USA - Baseball
Spain - Bull Fighting
Canada - Ice Hockey
New Zealand - Rugby Union
India - Hockey
Pakistan - Hockey
Bangladesh - Kabbadi
Srilanka - Volley ball
Russia - Football and Chess
China - Table Tennis
Brazil - Football
France - Football
England - Cricket
Japan - Judo
Australia - Cricket
Malaysia - Badminton
Scotland - Rugby Football
Indonesia - Badminton
Bhutan - Archery
Switzerland - Shooting and Gymnastics
Turkey - Wrestling and Jereed

கண்டங்களுக்கு எப்படிப் பெயர்கள் வந்தன?

கண்டங்களுக்கு அந்தப் பெயர்கள் எப்படி வந்தன? இவற்றுக்கு யார் பெயர் சூட்டியிருப்பார்கள்? இது பற்றிப் பதிவு செய்யப்பட்ட ஆவணங்கள் இல்லை. ஆனாலும் சில தகவல்கள் பரவலாகப் பேசப்படுகின்றன. அவற்றைப் பார்ப்போமா?

ஆஃப்ரிக்கா

ஆ ஃப்ரிக்காவிற்கு எதனா ல் அந்தப் பெயர்? ஆஃப்ரி என்ற பழங்குடியினர் அங்கே தொடக்கத்தில் வசித்தனர். “ஆஃப்ரிக்கரின் நிலம்’’ என்ற அர்த்தத்தில் ஆஃப்ரிக்கா என்று இதற்குப் பெயரிடப்பட்டது.

ஆஃப்ரிக்காவுக்கு அந்தப் பெயர் சூட்டப்பட்டதற்கு வேறொரு காரணமும் சொல்கிறார்கள். அஃபர் என்றால் ஃபோனிஷியன் மொழியில் (மத்திய தரைக் கடல் தீவுகளில் பேசப்பட்ட மொழி இது). ‘ தூசி’ என்ற அர்த்தம். ‘ தூசிகளின் நிலம்’ என்று இதற்கு அர்த்தம். ஆஃப்ரிக்காவின் வடக்குப் பகுதியில் வெப்பமான, பாலைவனம் போன்ற சூழல் நிலவுவது ஞாபகம் இருக்கிறதா?

அண்டார்டிகா

அண்டார்டிகா என்பதும் கிரேக்க வார்த்தை தான். இதன் பொருள் ‘வடக்கிற்கு எதிரானது’. பூமியின் தெற்குப் பகுதி நுனியில்தானே அண்டார்டிகா இருக்கிறது. எனவே இது பொருத்தமானதுதான்.

ஆஸ்திரேலியா

ஆஸ்திரேலிஸ் என்றால் லத்தீன் மொழியில் ‘தெற்கில் உள்ள தெரியாத பகுதி’ என்ற அர்த்தம். அக்கால ரோமானியர்களுக்கு ஆஸ்திரேலியாவை அடைவதற்கான கடல் வழி இல்லை. எனவே இந்தப் பகுதியைப் பின்னர்தான் அடைந்தார்கள். ஆஸ்திரேலியா என்று போகிற போக்கில் இதற்குப் பெயர் சூட்டப்பட்டது. அதுவே நிலைத்து விட்டது.

ஆசியா

ஆசியா என்பதும் கிரேக்க வார்த்தைதான். ‘ஏஜியா’ என்ற வார்த்தையில் இருந்து கொஞ்சம் மாறிப்போன வார்த்தை இது. கி.மு. 440-ல் இருந்தே இந்தக் கண்டம் ஆசியா என்று அழைக்கப்படுகிறது. ஏஜியன் கடலின் கிழக்குக் கரையில் இருந்த பகுதிகளை முன்பு ஆசியா என்று குறிப்பிட்டார்கள். பிறகு மொத்த கண்டத்திற்கும் அந்தப் பெயர் வந்துவிட்டது.

ஐரோப்பா

ஐரோப்பாவைக் குறிக்கும் ‘யுரோப்’ என்ற வார்த்தை யுரோபா என்பதிலிருந்து வந்தது. கிரேக்கப் புராணத்தின்படி ஜீயஸ் என்பவர் பிற கடவுளருக்கும், மனிதர்களுக்கும் தந்தையாகக் கருதப்படுகிறார். கிரீஸில் உள்ள மவுண்ட் ஒலிம்பஸ் என்ற மலையிலிருந்து இவர் ஆட்சி செய்கிறார். இவரின் காதலிக ளில் ஒருத்தியின் பெயர் யுரோப்பா. ஜீயஸ் யுரோப்பாவை ஒரு வெள்ளை எருதின் வடிவத் தில் வந்து கவர்ந்து சென்றாராம். கிரேக்க ஓவியங்களில் வெள்ளை எருதின்மீது அமர்ந்திருக்கும் யுரோப்பாவின் உருவம் மிகப் பிரபலம்.

அமெரிக்கா

அமெரிக்கோ வெஸ்புகி என்பவரின் பெயரில்தான் அமெரிக்கா என்று பெயரிடப்பட்டது என்று பாடங்களில் படித்திருக்கிறோம். 1499-ல் இந்தப் பகுதியை அடைந்தவர் வெஸ்புகி. இது ஆசியாவின் ஒரு பகுதி இல்லை என்பதையும், இது புதிய பகுதி என்பதையும் வெஸ்புகி கண்டறிந்து புத்தகமாக வெளியிட்டார். அந்தப் புத்தகம் எல்லா ஐரோப்பிய மொழிகளிலும் வெளியானது.

1507-ல் ஜெர்மனியைச் சேர்ந்த மார்ட்டின் வல்ட்ஸீமுல்வர் என்பவர் உலக வரைபடத்தை உருவாக்கியபோது அமெரிக்காவையும் அதில் இணைத்தார். கொலம்பஸின் பயணங்கள் பற்றி அவருக்குத் தெரியாததால், வெஸ்புகியின் பெயரின் முதல் பகுதியான ‘அமெரிக்கா’ என்பதையே பெயராக வைத்தார்.

இப்போது புரிகிறதா, கண்டங்களுக்கு ஏன் அந்த பெயர்கள் என்று?

ஒரு ராஜா மந்திரி ஆனார்

ஆந்திராவில் அரச குடும்பத்தைச் சேர்ந்த அஷோக் கஜபதி ராஜு, வியாழக்கிழமை நரேந்திர மோடி அமைச்சரவையில் கேபினட் அமைச்சராக (மந்திரி) பொறுப்பேற் றுக் கொண்டார்.

மத்திய விமான போக்குவரத்துத் துறை அமைச்சராகி உள்ள இவர், தெலுங்கு தேசம் கட்சியின் விஜயநகர மக்களவை தொகுதி உறுப்பினராவார். இவர், 7 முறை சட்டமன்ற உறுப்பினராகவும், தெலுங்கு தேசம் கட்சி ஆட்சியில் 2 முறை அமைச்சராகவும் பொறுப்பு வகித்துள்ளார். 36 ஆண்டு அரசியல் அனுபவம் மிக்க இவரது வம்சாவளியினர், விஜயநகர அரச குடும்பத்தைச் சேர்ந்தவராவர்.

ஆந்திராவில் புசபடி ராஜ வம்சத்தினர் மிகவும் பிரபலமா னவர்கள். கி.பி. 626-ம் ஆண்டு முதல் கி.பி. 1509-ம் ஆண்டு வரை பெஜவாடாவை ஆண்டனர். பெஜவாடாதான் தற்போது விஜய வாடா என அழைக்கப்படுகிறது. இவர்களது மூதாதையர்கள்தான் கிருஷ்ணா நதிக்கரையில் பெஜ வாடாவை உருவாக் கினார்கள். பின்னர் கடலோரத்தில் உள்ள விஜயநகரத்திற்கு தங்களது முகாமை மாற்றி அமைத்து ஹம்பியை தலைநகரமாகக் கொண்டு ஆட்சி புரிந்து வந்தனர்.

கி.பி. 1515-ல் புசபடி ராச்சராஜு, ஒரிசா பேரரசர் கஜபதியுடன் இணைந்து, விஜயநகர பேரரசர் கிருஷ்ண தேவராயர் மீது போர் தொடுத்து தோல்வி அடைந்தார். பிறகு ராயருடன் சமாதானம் செய்துகொண்டு, புசபடி ராச்சராஜு மற்றும் கிருஷ்ண தேவராயர் ஆகியோர் கஜபதியின் மகள்களை திருமணம் செய்து கொண்டனர்.

முகலாய சக்ரவர்த்தி ஒளரங்க சீப், 1652-ல் கோல்கொண்டா மீது போர் தொடுத்தபோது, சீதா ராம ராஜு (1685-97) ஒத்துழைத் ததற்காக இவருக்கு இரு பக்க கூர்மை கொண்ட வாளை பரிசாக வழங்கி உள்ளார். இதுவே பின்னர் இவர்களது கொடி சின்னமும் ராஜ முத்திரையுமானது.

புசபடி பெத்த விஜயராம ராஜு (1710-57) பொப்புலி போரில் வீர மரணமடைந்தார். இவரைத் தொடர்ந்து, புசபடி ஆனந்த ராஜு (1760) விசாகப்பட்டினம், ராஜமுந்திரி போன்ற இடங்களைக் கைப்பற்றினார். இதனைத் தொடர்ந்து புசபடி வம்சாவளியினர் தொடக்கத்தில் ஆங்கிலேயருக்கு எதிராக போர் புரிந்து, பின்னர் தங்களது ராஜ்ஜி யங்களை அவர்களுக்கு எழுதி கொடுத்ததாக வரலாறு கூறுகிறது.

16-ம் நூற்றாண்டு முதல் இவர்களது பெயர்களில் ‘கஜபதி’ எனும் துணைப்பெயரை உபயோ கிக்கத் தொடங்கி உள்ளனர். பின்னர் ஆங்கிலேயர் ஆட்சி காலத்தில் இவர்கள் ‘சுபேதார்’ கள் என்று அழைக்கப்பட்டனர். 1827-ல் மகாராஜா விஜய ராம ராஜுவுக்கு ஆங்கிலேயர்கள் பல விருதுகள் வழங்கி கவுரவித்துள்ளனர்.

தற்போதைய மத்திய அமைச்சர் அஷோக் கஜபதி ராஜுவின் மூதாதையர்கள் அரச பரம்பரை யைச் சேர்ந்தவர்கள் என வரலாறு தெரிவிக்கிறது. இவரது தந்தை புசபடி விஜயராம கஜபதிராஜு முன்னாள் எம்.பி. ஆவார். இவரது நெருங்கிய உறவினர் புசபடி எஸ்.குமாரசுவாமி ராஜா, மதராஸ் பிரசிடென்ஸி இருந்தபோது (1949-52) முதல்வராக பணியாற்றி உள்ளார். பின்னர் இவர் ஒரிசா மாநில ஆளுநராகவும் (1954-56) பணிபுரித்துள்ளார்.

அஷோக் கஜபதி ராஜு குடும்பத்தினருக்கு விஜயநகர மக்களும் ஒரு அரசருக்கு வழங்கும் மரியாதையைத்தான் தொடர்ந்து வழங்கி வருகின்றனர்.

மொத்தத்தில் ஒரு ராஜா மந்திரி ஆனார்.

மோடியின் 10 அம்சங்கள் வளர்ச்சிக்கு வழிவகுக்கும்: ஐஏஎஸ் அதிகாரிகள்

புதிய பிரதமர் நரேந்திர மோடி அறிவித்துள்ள பத்து அம்சங்கள் நாடு சிறந்த பாதையில் செல்ல வழிவகுக்கும் என ஐஏஎஸ் அதி காரிகள் கருத்து கூறி உள்ளனர்.

இது குறித்து தி இந்துவிடம் ஐஏஎஸ் அதிகாரிகள் வட்டாரம் கூறியதாவது: நாட்டில் சட்டங் களை இயற்றுவது அரசியல் வாதிகள் என்றாலும் அதை அமல்படுத்துவது அதிகாரிகள் தான். சில பிரச்சினைகளில் அரசியல்வாதிகளுடன் சேர்ந்து அதிகாரிகளும் சிக்கிக் கொள் கிறார்கள். இதனால் அரசியல் வாதிகளிடம் இருந்து விலகி இருந்து பணியாற்றவே அதிகாரி கள் வட்டம் விரும்புகிறது. இதற்கு முடிவுகட்டும் பொருட்டு மோடி அறிவித்த 10 அம்சங்களில் முதல் இரண்டு அம்சங்கள் இடம் பெற்றுள்ளன.

அதிகாரிகளிடம் நம்பிக்கை

பின்விளைவுகள் குறித்த அச்சம் இல்லாத வகையில் அதிகாரிகள் வட்டாரத்தில் நம்பிக்கையை ஏற்படுத்த வேண்டும் என்பது மிகச் சிறந்த முடிவு. தற்போதைய நிலையில் அமைச்சர் சொல்வதை கேட்கும் அதிகாரிகளே அந்தந்த துறைகளில் பணியாற்ற முடியும்.

உதாரணமாக ஒரு கோப்பை அனுப்புவதற்கு முன்பாகவே அதை என்ன செய்ய வேண்டும் என அறிவுறுத்தப்பட்டுவிடும். இதற்கு ஏதுவாகத்தான் இணைச்செய லாளர் மற்றும் செயலாளர் களை பணியில் அமர்த்துவார்கள். இப்படி அமர்த்தப்படும் அதிகாரி கள் சுதந்திரமாகப் பணியாற்ற முடியாது. இதுதான், 2ஜி அலைக் கற்றை, நிலக்கரிச் சுரங்கம் போன்ற ஊழல்கள் பெருக முக்கியக் காரணம்.

புதிய யோசனைகள் வரவேற்பு

அடுத்து புதிய யோசனைகள் வரவேற்கப்படுவதாகவும் அதை செயல்படுத்த அதிகாரிகளுக்கு முழுசுதந்திரம் அளிக்கப்படும் எனவும் பிரதமர் கூறியுள்ளார். இது முதல் அறிவிப்புடன் சம்பந்தப் பட்ட அம்சமாகும். எப்படி எனில் மத்திய அரசில் உள்ள அதிகாரிகள் ஒரே மாதிரியான விஷயத்தை செய்ய பழகி விடுகிறார்கள். ஒரு புதிய சிந்தனை இல்லாமல் ஐந்து வருடகாலத்தை எப்படி பிரச்சனை இன்றி முடிப்பது என்பதில் அவர் களது கவனம் இருந்து விடுகிறது. எனவேதான் நரேகா போன்ற சிறந்த திட்டங்கள் சரியாக செயல் படுத்தப்படவில்லை. இது, காஷ்மீர் முதல் கன்னியாகுமரி வரை ஒரே மாதிரியான சிந்தனையில் அமைக் கப்பட்டுவிட்டது. இதன் காரணமாக வளர்ந்த தென் மாநிலங்களில் சிறப்பாக செயல்படுத்தப்பட்ட திட்டம் வளர்ச்சி அடையாத பிஹார் போன்ற வட மாநிலங்களில் பிரச் சினை வருகிறது. இதன் காரணங் களைக் கண்டுபிடித்து புதிய முறைகளை மாநிலங்களுக்கு ஏற்றவகையில் செயல்படுத்தி இருக்க வேண்டும்.

இப்படி சிறந்தமுறைகளில் அதிகாரிகளை அடையாளம் கண்டு அவர்களுக்கு விருது வழங்கி உற் சாகப்படுத்த வேண்டும். ஆனால், அரசுக்கும், ஆளும் அரசியல்வாதி களுக்கும் ஆதரவாக செயல்படும் அதிகாரிகளுக்கே புதிய பொறுப்பு களும் விரைவான பதவி உயர்வும் கிடைப்பது வழக்கமாக உள்ளது.

இ-டெண்டர் முறை

மூன்றாவதாக நாட்டு மக்களின் முக்கியப் பிரச்சினைகளான கல்வி, சுகாதாரம், குடிநீர், எரிசக்தி மற்றும் சாலைவசதிகள் முக்கியம் எனவும் பிரதமர் கூறியுள்ளார். இதை தீர்த்து விட்டால் அரசுக்கு ஐம்பது சதவிகித வெற்றி உறுதி. இதற்காக, இலவசத்திட்டங்களை தவிர்த்து இரண்டு மடங்கு பட்ஜெட் ஒதுக்கப்படுவது அவசியம்.

நான்காவதாக இணைய தளத்தில் டெண்டர் விடும் முறை ஊழலை ஒழிக்கும் முக்கிய அம்சமாகும். தற்போது நிலவும் முறையில் பின்தேதியிட்டவை நுழைகின்றன, குறைவாகக் குறிப்பிடப்பட்ட டெண்டர்களின் தொகை தெரிந்து விடுகிறது, சொந்தங்களும் கட்சிக்காரர்களும் டெண்டர் பெறுகிறார்கள். மோடி அறிவித்துள்ளதில் அப்படி பெற முடியாது. ஆனால் அதன் ’பாஸ்வேர்ட்’களை ரகசியமாக பாதுகாப்பது அவசியம். அதற்காக நேர்மையான, நம்பிக்கையான அதிகாரிகளிடம் பொறுப்பு அளிக்கப்பட வேண்டும்.

அமைச்சக ஒருங்கிணைப்பு

ஐந்தாவதாக அமைச்சகங்களுக்கு இடையே கிளம்பும் பிரச்சினை களை ஒழிக்க அதன் உள் ஒற்றுமை அவசியம் எனக் கூறப்பட்டுள்ளது. இதன்படிதான் மோடியின் புதிய அமைச்சகங்கள் பல ஒன்றிணைக் கப்பட்டுள்ளன. தற்போது வெளியில் என்ன நடக்கிறது எனத் தெரியாமலே பல திட்டங்கள் அமைச்சகங்களில் அறிமுகப்படுத் தப்படுகிறது. உதாரணமாக விவ சாயத் துறையில் அமலாக்கப்படும் திட்டங்கள், விளைச்சலின் ஏற்று மதியைப் பொறுத்து முடிவு செய்யப்பட வேண்டும். இல்லை யெனில் விலைவாசி உயர்வு, பண வீக்கம் போன்ற பிரச்சினைகள் நாட்டில் ஏற்படக் காரணமாகிவிடும்.

ஆறாவது அம்சமாக அரசின் திட்டங்கள் மக்களுக்கு நேரடி பலனை அளிப்பதாகவே இருக்க வேண்டும். இது தொலை நோக்குப் பார்வைகளில் நாட்டின் மக்கள் நலன் காக்கும் வகையில் அமைய வேண்டியதை குறிப் பிடுகிறது. மத்திய அரசின் பல திட்டங்கள் மாநிலங்களில் குறைபாடாக உள்ளது. உதாரண மாக குறிப்பிட்ட நாட்களில் அரசு சான்றிதழ்கள் பெறுவது, குடிநீர் போன்ற பிரச்சினைகளை தீர்ப்பது போன்றன சில மாநிலங்களில் மட்டுமே உள்ளது. இதனால் மக்கள் குறைகள் தீராமல் அதிகரித்து வருகிறது.

இதை ஒழிக்க பிஹாரில் “பொதுச்சேவை உரிமை” திட்டம் முதன்முறையாக அறிமுகப்படுத்தப்பட்டது. இதன்படி பிறப்பு சான்றிதழுக்கு விண்ணப்பித்து குறிப்பிட்ட நாட்களில் தராவிட்டால், சம்பந்தப் பட்ட அதிகாரிக்கு ரூ.5,000வரை அபராதத் தொகை விதிக்கப்படும். இதன் வெற்றியை பார்த்து மத்தியப் பிரதேசத்திலும் இத்திட்டம் அறி முகப்படுத்தப்பட்டது. எனவே இந்த மோடியின் திட்டத்தால் கடைநிலை ஊழியர் முதல் அதிகாரிகள் வரை முறையாக செயல்படத் தொடங்கி விடுவார்கள். இந்த அம்சத்தை உண்மையிலேயே பயன்படுத்தினால் நாட்டுக்கு மிகவும் நல்லது.

பொருளாதார வளர்ச்சிக்கு முன்னுரிமை

ஏழாவது அம்சமான பொருளாதாரத்தின் மீது கவனம் செலுத்தினால் நாட்டில் பணவீக்கம் குறைந்து ஏற்றுமதி அதிகரிக்கும். இதற்கு உதாரணமாக சீனாவின் பட்டாசுகள் சிவகாசியைவிட சிறப்பானது. ஆனால் அதன் இறக்குமதியை அனுமதித்தால் சிவகாசியில் பட்டாசு தொழில் படுத்துவிடும்.

இந்த அம்சத்தை அமல்படுத்துவது மோடிக்கு ஒரு பெரிய சவாலாகும். இதை அவர் எப்படி கையாளப் போகிறார் என்பதை பொறுத்து நாடு சிறக்கும். ஏனெனில் நரேகா, உணவு மற்றும் உரங்களுக்கான மானியங்களுக்கு அரசு ரூபாய் இரண்டு லட்சம் கோடி வரை செலவு செய்கிறது. இதை உலகப் பொருளாதாரத்தின் அடிப்படையில் அளித்திருந்தால் நாட்டில் வேலை வாய்ப்பும், விவசாயிகள் தற்கொலைகளும் தொடராது.

அந்நிய முதலீடு ஈர்ப்பு

எட்டாவதாக உள்கட்டமைப்பு மற்றும் தொழில் முதலீடுகளின் சீர்திருத்தம் மிகவும் முக்கியமான அம்சமாகும். நம் நாட்டை விட சிறியதான சிங்கப்பூர் மற்றும் தென் கொரியாவில் இந்தியாவைவிட வெளிநாட்டு முதலீடுகள் பல மடங்கு அதிகம். இதற்கு உள்கட்டமைப்பு ஒரு முக்கியக் காரணம். சிங்கப்பூரின் விமான நிலையம் மற்றும் துறைமுகம் உலகிலேயே மிகச் சிறந்ததாக விளங்குகின்றன. இத்தனைக்கும் உலகில் சிறந்ததாகக் கருதப்படும் சிங்கப்பூர் ஏர்லைன்ஸ் சுமார் இருபது ஆண்டுகளுக்கு முன் நம் இந்தியன் ஏர்லைன்ஸ் நிறுவனத்திடம் பயிற்சி பெற்று சென்றதாகும்.

அந்நிய முதலீடுகள் நம் நாட்டிற்கு வர அதன் முறைகள் மிகவும் விரைவாகவும் எளிதாகவும் இருக்க வேண்டும். குஜராத்தில் ஒற்றைச் சாளர முறை இருப்பதனால்தான் அங்கு அந்நிய முதலீடுகள் அதிகம் என்பதை மோடி கருத்தில் கொண்டிருக்கிறார்.

ஒன்பதாவதாக அமல்படுத்தப்படும் திட்டங்களை குறிப்பிட்ட காலத்துக்கு என வரையறுக்கும்போது அதை செயல்படுத்தும் முறைகளையும் மனதில் கொள்ள வேண்டும். உதாரணமாக ‘சர்வ சிக்சா அபியான்’எனும் அனைவருக்கும் கல்வி திட்டம் 2015 என நிர்ணயிக்கப்பட்டது. ஆனால், இன்னும் ஒரு வருடம் மட்டும் உள்ள நிலையில் பாதி பேர் கல்வி பெறாத நிலை உள்ளது. இதுபோன்ற திட்டங்களை வரையறுக்கும் அதிகாரிகள் நல்ல அனுபவம் வாய்ந்தவர்களாக இருப்பது அவசியம்.

நிலையான முதலீடு

கடைசியாக அரசுக் கொள்கைகள் நிலையான தன்மையும், பயன்படக்கூடிய வகையிலும் இருத்தல் அவசியம். இந்த அம்சத்தை தொலைநோக்குப் பார்வையில் வகுக்க வேண்டும். பத்து வருடங்கள் முன்பு மத்திய அரசு, ‘ஸ்வர்ண ஜெயந்தி கிராம் ஸ்வராஜ் யோஜ்னா” என கிராமப்புற பெண்களுக்கான சுயஉதவி குழுக்களுக்கான கடன் வசதியை அமல்படுத்தியது. இதில் ஒரு குடும்பத்திற்கு தேவையான அடிப்படை பிரச்சனைகள் மனதில் கொள்ளப்படவில்லை. ஆனால், இதேபோல் ஆந்திரா அரசு உலகவங்கி உதவியுடன் அறிமுகப்படுத்திய எஸ்.இ.ஆர்.பி. திட்டத்தில் முதலில் குடும்பத்தின் அடிப்படை தேவைக்காகவும் பிறகு தொழிலுக்காகவும் என கடன் வசதி செய்தது. அதை பார்த்த மத்திய அரசு தனது திட்டத்தைக் கைவிட்டு ஆந்திராவின் வெற்றி பெற்ற திட்டத்தை மேற்கொண்டு விட்டது.

எனவே எந்த ஒரு திட்டத்தையும் அறிமுகப்படுத்துவதற்கு முன்பாக அந்த மாதிரியை ஒரு குறிப்பிட்ட இடத்தில் அமல்படுத்தி பார்க்க வேண்டும். இதை மோடி சரியாக செய்தால் நாட்டுக்கு நல்லது என அதிகாரிகள் தரப்பில் கூறினார்கள்.

GA QUESTIONS FOR Exams

GA QUESTIONS FOR Exams

[1] Who has sworn-in as the first woman Chief Minister of Gujarat on 22 May 2014?
Ans - Anandiben Patel
[2] When was International Day for Biological Diversity observed across the world?
Ans - 22 May 2014
[3] Who has been appointed as new Director General of Police of Jammu and Kashmir?
Ans - K Rajendra Kumar
[4] Name the Snooker champion who has been nominated for Arjuna awards announced by the Billiards and Snooker Association of India (BSFI)?
Ans - Chitra Magimairaj
[5] Who has been selected as Managing Director of ONGC Videsh Ltd (OVL) by Public Enterprises Selection Board (PESB)?
Ans - Narendra Kumar Verma
[6] When is International Museum Day celebrated?
Ans – 18th May
[7] Who won the Cricket Club of India (CCI) Classic Billiards and Snooker tournament?
Ans - Pankaj Advani
[8] Who took over as the new Chief Information Commissioner in the Central Information Commission?
Ans - Former IB chief Rajiv Mathur
[9] Which economies of the world have been declared world’s most expensive economies in a ranking released by the World Bank recently?
Ans - Switzerland, Norway
[10] What is the name of the India’s own card payment system that has been dedicated to the nation recently by President Pranab Mukherjee?
Ans - RupayCard

Numbers in Human Body.

¤ Number of bones – 206.
¤ Number of ribs – 24.
¤ Number of bones in skull – 22.
¤ Number of bones in face – 14.
¤ Number of bones in neck – 7 .
¤ Number of bones in Vertebral column – 33.
¤ Number of bones in hand – 30 .
¤ Respiratory rate – 16-20
times / minute .
¤ Number of heart beat – 70-72 times/minute.
¤ Number of pulse- 70-72
times / minute .
¤ Blood pressure – 120/80 mm of Hg.
¤ Number of Cranial nerves – 12 pairs .
¤ Number of spinal nerves – 31 pairs .
¤ Life span of R.B.C – 120 days .
¤ Life span of W.BC – 10-15 Days .
¤ Life span of platelets – 5-9 days.
¤ Amount of blood – 5-6 Liter

தண்ணீரில் எழுதிய வரலாறு

கிழக்கிந்திய கம்பெனியின் கப்பல்களையும் வர்த்தகத்தையும் பாதுகாக்க 1613-ல் இங்கிலாந்தில் இந்தியன் மரைன் என்ற கடற்படை முதலில் உருவாக்கப்பட்டது. 1735-ல் அந்தப் படைக்கு மும்பையில் கப்பல் கட்டும் தளம் உருவாக்கப்பட்டது. அதன் பெயர் பாம்பே டாக்யார்டு. அங்கு வந்த பிறகு பாம்பே மரைன் என்று அது பெயர் மாறியது. இருபதாம் நூற்றாண்டின் தொடக்கத்தில் பாம்பே மரைன், தி ராயல் இந்தியன் மரைன் ஆக மாறியது. 1950-ல் இந்தியா குடியரசான பிறகு, இந்தியக் கடற்படை என்று அழைக்கப்படலானது.

கி.பி. 1100-ல் இரும்புத் தாதுவால் செய்யப்பட்ட காந்தத்தை ஒரு கயிற்றில் தொங்கவிட்டால், அது எப்போதும் வடக்கு - தெற்காக நிற்பதைச் சீனர்கள் கண்டறிந்தனர். இந்த விஷயத்தை உள்வாங்கிக்கொண்ட இந்தியக் கடலோடிகள் மத்ஸ்ய இயந்திரம் என்ற கருவியை உருவாக்கினர். இரும்பாலான மெல்லிய காந்தத் தகடை மீன் வடிவத்தில் வெட்டி எண்ணெயில் மிதக்க விட்டிருப்பதே இந்தக் கருவி. இந்த மீன் எப்போதுமே வடக்கு தெற்கு நோக்கியே தலையையும் வாலையும் வைத்திருக்கும். பெருங்கடல்களில் கப்பலைச் செலுத்தும்போது, எந்தத் திசையில் செல்ல வேண்டும் என்பதை இந்த இயந்திரம் தெரிவிக்கும். இந்த இரண்டும்தான் கடலோடிகளின் திசைகாட்டிகள் உருவாகக் காரணமாக இருந்த முதல் கருவிகள்.

1919-ல் சிந்தியா நீராவிக் கப்பல் நிறுவனத்தை நரோத்தம் மொரார்ஜி, வால்சந்த் ஹிராசந்த் ஆகிய இருவரும் தொடங்கினர். 1919 ஏப்ரல் 5-ம் தேதி அந்த நிறுவனத்தின் முதல் கப்பலான எஸ்.எஸ். லாயல்டி, பயணிகளையும் சரக்கையும் ஏற்றிக்கொண்டு மும்பையில் இருந்து பிரிட்டனுக்குச் சென்றது. இதுவே இந்தியாவின் முதல் கப்பல் நிறுவனம்.

இந்தியாவின் முதல் நீராவிப் படகை ஊ பகுதியின் நவாபாக இருந்த காஸி உத்தின் ஹைதருக்கு 1819-ல் ஒரு ஆங்கிலேயர் கட்டி கொடுத்தார்.

பண்டையக் கால இந்தியர்கள் மிகப் பெரிய கப்பல்களை கட்டியிருக்கிறார்கள், தொலைவிலுள்ள தாய்லாந்து, சீனாவுக்கு அவற்றைச் செலுத்தி உள்ளனர். இலங்கை, சுமத்ரா, மலேசியா, கம்போடியா, ஜாவா, கடாரம் உள்ளிட்ட நாடுகளுக்கு ராஜேந்திர சோழன் போர் தொடுத்துக் கடற்படை மூலம் வெற்றியும் பெற்றுள்ளார்.

கடலில் செலுத்துவதற்காக உள்நாட்டிலேயே உருவாக்கப்பட்ட முதல் நவீன கப்பலை ஜவாஹர்லால் நேரு 1948-ல் கடலில் செலுத்தித் தொடங்கிவைத்தார். ஜல உஷா என்ற அந்தக் கப்பல், நீராவியில் செல்லும் சரக்குக் கப்பல். விசாகப்பட்டினத்தில் சிந்தியா கப்பல் கட்டும் தளத்திலிருந்து அது செலுத்தப்பட்டது. இப்போது அது இந்துஸ்தான் கப்பல் தளம் என்றழைக்கப்படுகிறது.

ஹரப்பா நாகரிகத்திலேயே, அதாவது கி.மு.3,000-த்திலேயே கடல் போக்குவரத்து இருந்ததாக வரலாற்று ஆராய்ச்சியாளர்கள் கூறுகிறார்கள்.

கப்பலை பண்டைய தமிழில் நாவாய் என்றும் கலம் என்றும் கூறுவார்கள். கப்பல் கேப்டனை ‘கலபதி’ என்பார்கள்.

கேரளத்தில் தற்போது கரங்கனூர் என்றழைக்கப்படும் துறைமுகம் அந்தக் காலத்தில் முசிறி என்ற பெயரில் புகழ்பெற்றிருந்தது. கி.பி. முதலாம் நூற்றாண்டுக் காலத்திலேயே அரேபியா, கிரீஸ், ரோம் (இத்தாலி) ஆகிய நாடுகளில் இருந்து வணிகர்கள் அங்கே வந்தனர். அந்தக் காலத்தில் கிரேக்கர்களும் ரோமானியர்களும் தமிழில் யவனர்கள் எனப்பட்டனர். மிளகு, சந்தனம், நறுமணப் பொருட்கள், பட்டு உள்ளிட்ட பொருட்களைத் தங்கக் காசுகளைக் கொடுத்து அவர்கள் வாங்கிச் சென்றனர். தமிழகத்தின் பல பகுதிகளில் இன்றைக்கும் ரோமக் காசுகள் கிடைத்துவருகின்றன. அரேபியாவிலிருந்து குதிரைகள் கடல் வழியாகத்தான் இங்கே வந்தன. தென்கிழக்கு ஆசியாவில் இருந்து இட்லியும் கடல் வழியாகத்தான் வந்தது.

நரியின் வளையும் வழியும்

#நரிகள் பாலூட்டி இனத்தைச் சேர்ந்த அனைத்துண்ணிகள். சுறுசுறுப்பான இயல்பு கொண்டவை.

#நாய் பேரினத்தைச் சேர்ந்த மற்ற வகைகளான ஓநாய்கள், குள்ளநரிகள் உருவத்தில் ஒரே மாதிரியாக இருக்கும்.

#உலகில் சுமார் 27 நரி இனங்கள் உள்ளன.

#நரி இனங்கள் ஆஸ்திரேலியாவைத் தவிர உலகின் மற்ற எல்லாப் பகுதிகளிலும் வாழ் கின்றன. சகாரா பாலைவனம் போன்ற வெப்பம் மிகுந்த பகுதிகளிலும் ஆர்டிக் பனிப் பிரதேசத்திலும் வாழ்கின்றன.

#நடுத்தர அளவுள்ள நாய் களின் அளவில் பெரும்பாலும் நரிகள் காணப்படுகின்றன. ஃபென்னக் வகை நரிதான் உருவத்தில் சிறியது. பூனையின் அளவில் 23 சென்டி மீட்டர் நீளமே இருக்கும்.

#பொதுவாக நரிகள் 86 சென்டி மீட்டர் வரை வளரும். நரியின் வால் 30 முதல் 56 சென்டி மீட்டர் வரையிலான நீளத்தில் இருக்கும்.

#நரிகளின் குறைந்தபட்ச எடை அரை கிலோவுக்கும் கொஞ்சம் கூடுதலாக இருக்கும். 680 கிராம் இருக்கும். அதிகபட்ச எடை 11 கிலோ கிராம்.

#சமூகமாகக் கூடி வாழும் இயல்புடையவை நரிகள். குடும்ப உறுப்பினர்களாக சேர்ந்து வாழ்பவை.

#நரிகள் இரவுப் பிராணிகள். இரவில்தான் இவை வேட்டைக்குச் செல்லும். பாதுகாப்பான உணர்வு இருந்தால் மட்டுமே பகலிலும் நரிக் கூட்டம் வேட்டையாடும்.

#இருட்டிலும் நரிகளுக்கு கூர்மையான பார்வைத் திறன் உண்டு. பூனையைப் போல நரிக்கும் கண் பார்வை கூர்மையானது.

#நரிகள் வேகமாக ஓடும் ஆற்றல் பெற்றவை. ஒரு மணி நேரத்திற்கு 72 கிலோ மீட்டர் (45 மைல்கள்) வரை கடக்கும்.

#அடர்ந்த வனங்கள், மலைப் பகுதிகள், புல்வெளிகள், பாலைவனப் பிரதேசங்களிலும் நரிகள் வாழ்கின்றன. நிலத்தை கால்களால் தோண்டி வளைகளை உறைவிடமாக மாற்றிக்கொள்ளும். உணவைச் சேமிக்கவும், குட்டி களைப் பராமரிக்கவும் இந்த வளைகள் பயன்படும். தனது வளைகளுக்கு பல வழிகளை நரிகள் வைத்திருக்கும். ஒரு பொந்து வழியாக எந்தப் பிராணியாவது நுழைந்தால் இன்னொரு பொந்து வழியாகத் தப்பித்துவிடும்.

#பெண் நரிகள் கர்ப்பக் காலத்தில் தனது வளைக்குள் இலை, தழைகளை நிரப்பி படுக்கை போல ஏற்பாடு செய்து கொள்ளும். குட்டிகளுக்கு இதமாக இருப்பதற்கு தாய் நரி செய்யும் ஏற்பாடு இது.

#நரியின் கர்ப்பக் காலம் சரிசரியாக 53 நாட்கள்.

#ஒரு பிரசவத்தில் இரண்டு முதல் ஏழு குட்டிகள் பிறக்கும். குட்டிகளை தந்தை நரியும் தாய் நரியும் சேர்ந்தே பராமரிக்கும்.

#சிறு பிராணிகள், பல்லி, எலி, முயல் போன்றவற்றையும் பழங்கள், தானியங்களையும் உணவாகக் உட்கொள்ளும். கடலுக்கு அருகில் வாழும் நரிகள் மீன்களையும் நண்டுகளையும் சாப்பிடும்.

#நரிகள் சராசரியாக 12 முதல் 14 ஆண்டுகள் வரை உயிர் வாழும்.

ட்விட்டர் பயன்பாட்டில் மூன்றாவது இடத்தை நோக்கி இந்தியா

ட்விட்டரை அதிகம் பயன்படுத்தும் மூன்றாவது பெரிய நாடாக இந்தியா உருமாறும் என்று இ-மார்கெட்டர் என்ற நிறுவனம் நடத்திய ஆய்வில் தெரியவந்திருக்கிறது. இந்த வருட இறுதிக்குள் இந்தியாவில் ட்விட்டர் பயன்படுத்துபவர்களின் எண்ணிக்கை 1.8 கோடியாக இருக்கும் என்று கூறி இருக்கிறது.

மேலும் இந்த வருட இறுதிக்குள் ட்விட்டர் பயன்படுத்துபவர்களில் ஆசிய பசிபிக் பகுதியில் 32.8 சதவீதமாகவும், வட அமெரிக்காவில் 23.7 சதவீதமாகவும் இருக்கும் என்று அந்த நிறுவனம் தெரிவித்திருக்கிறது. இந்தியா, இந்தோனேஷியா போன்ற வளர்ந்து வரும் நாடுகளில்தான் ட்விட்டர் பயன்படுத்துபவர்களின் வளர்ச்சி அதிகமாக இருக்கிறது.

இந்த வருட இறுதியில் ட்விட்டர் பயன்பாட்டில் இந்தியா மூன்றாவது இடம் பிடிப்பதுபோல இந்தோனேஷியா 1.53 கோடி வாடிக்கையாளர்களுடன் நான்காவது இடத்தை பிடிக்கும் என்றும் அந்த நிறுவனம் தெரிவித்திருக்கிறது. தற்போது மூன்றாவது இடத்தில் இருக்கும் இங்கிலாந்தை இந்த இரண்டு நாடுகளும் பின்னுக்குதள்ளும் என்றும் தெரிவிக்கபட்டுள்ளது.

2018-ம் ஆண்டு வட அமெரிக்காவில் ட்விட்டர் பயன்படுத்துபவர்களின் எண்ணிக்கையை விட ஆசியா பசிபிக் பகுதியில் இரண்டு மடங்கு பயன்படுத்துவார்கள் என்று ஆய்வில் தெரிய வந்திருக்கிறது. மொத்தமாக 2014-ம் ஆண்டு ட்விட்டர் பயன்படுத்துபவர்களின் எண்ணிக்கை 24.4 சதவீதம் அதிகரித்து 22.75 கோடியாக இருக்கும் என்று தெரிகிறது. கடந்த வருடம் 18.29 கோடிபேர் ட்விட்டர் பயன்படுத்தினார்கள்.

2018-ம் ஆண்டு உலகம் முழுவதும் ட்விட்டர் பயன்படுத்துபவர்களின் எண்ணிக்கை 40 கோடியாக இருக்கும் என்றும் இந்த நிறுவனம் கணித்திருக்கிறது.

`மோடி’ வித்தை பலிக்குமா? கறுப்புப் பணம் மீளுமா?

கருத்து: மலர்சூர்யா, புதுவை

நரேந்திர மோடி தலைமையிலான அமைச்சரவை தனது முதல் அமைச்சரவைக் கூட்டத்திலேயே வெளிநாடுகளில் பதுக்கி இருக்கும் கறுப்புப் பணத்தை மீட்டு இந்தியாவுக்குக் கொண்டு வருவதற்கான சிறப்பு புலனாய்வுக் குழுவை அமைத்துள்ளது. பாஜக-வின் தேர்தல் வாக்குறுதிகளில் ஒன்றான வெளிநாட்டில் பதுக்கி வைக்கப்பட்டுள்ள கறுப்புப் பணத்தை இந்தியாவுக்குக் கொண்டு வருவோம் என்ற அறிவிப்பை முதல் அமைச்சரவைக் கூட்டத்திலேயே செயல்படுத்தியுள்ளார் மோடி. இதனால் கறுப்புப் பணம் மீண்டும் தலைப்புச் செய்தியாகியுள்ளது.

ஓய்வுபெற்ற நீதிபதி எம்.பி. ஷா தலைவராகவும் ஓய்வுபெற்ற நீதிபதி அரிஜித் பசாயத் இணைத் தலைவராகவும் இருப்பர். இக்குழுவில் வருவாய்த்துறைச் செயலர், ரிசர்வ் வங்கியின் துணை கவர்னர், நேரடி வரி வருவாய் ஆணையத்தின் தலைவர், புலனாய்வுத்துறை டிஐஜி, அமலாக்கத்துறை இயக்குநர், சிபிஐ இயக்குநர், வருவாய் புலனாய்வுத்துறை இயக்குநர், நிதித்துறை புலனாய்வுப் பிரிவு, ரா பிரிவின் தலைவர்களும் உறுப்பினர்களாக உள்ளனர்.

இக்குழு கறுப்புப் பணம் தொடர்பான விசாரணை, புலனாய்வு, அது தொடர்பான மேல் நடவடிக்கை, வழக்கு தொடர்வது உள்ளிட்டவற்றை மேற்கொள்ளும்.

இந்தியர்கள் வெளிநாடுகளில் பதுக்கியுள்ள கறுப்புப் பணத்தின் அளவைக் கேட்டால் அனைவருக்குமே ரத்தக் கொதிப்பு வந்துவிடும். தோராயமான கணக்குப்படி 40 லட்சம் கோடி ரூபாய். 1970-ம் ஆண்டிலிருந்தே ஸ்விஸ் வங்கியில் கறுப்புப் பணம் போடப்படுவதாகத் தகவல்கள் தெரிவிக்கின்றன.

இந்தியாவிலிருந்து பாகிஸ்தான் வழி யாக பெரும்பாலும் ஸ்விட்சர்லாந்துக்கு கறுப்புப் பணம் செல்வதாகக் கூறப் படுகிறது.

வழக்கு

கறுப்புப் பணத்தை இந்தியாவுக்குக் கொண்டு வர வேண்டும் என்ற கோரிக்கை பல தரப்பில் வலியுறுத்தப்பட்ட போதிலும் இது தொடர்பான பொது நல வழக்கு 2009-ம் ஆண்டுதான் உச்ச நீதிமன்றத்தில் தொடரப்பட்டது. மூத்த வழக்கறிஞர் ராம் ஜேத்மலானி உள்ளிட்டோர் தொடர்ந்த வழக்கில் 2011-ம் ஆண்டு ஜூலை 4-ம் தேதி உச்ச நீதிமன்றம் மத்திய அரசுக்கு உத்தரவு பிறப்பித்தது.

அதன்படி வெளிநாடுகளில் பதுக்கி வைக்கப்பட்டுள்ள கறுப்புப் பணத்தை மீட்க அரசு என்ன நடவடிக்கை எடுத்தது எனக் கேட்டது. மூன்று ஆண்டுகளாக இதற்கு எவ்வித பதிலும் அளிக்கப்படாமல் மௌனம் காத்தது அப்போதைய மத்திய அரசு. கடந்த ஏப்ரலில் இந்த வழக்கு மீண்டும் நீதிமன்றத்தில் விசாரணைக்கு வந்தபோது, தேர்தலை காரணம் காட்டியது மத்திய அரசு. ஆனால் உச்ச நீதிமன்றமோ சிறப்புப் புலனாய்வுக் குழு அமைப்பதற்கான காலக்கெடுவை விதித்தது. இந்நிலையில் புதிதாக பதவியேற்ற மோடி தலைமையிலான அரசு உச்ச நீதிமன்ற உத்தரவை செயல்படுத்தும் விதமாக சிறப்புப் புலனாய்வுக் குழுவை அமைத்தது.

முதலிடம்

கறுப்புப் பணத்தை பதுக்கி வைத்துள்ள நாடுகளின் பட்டியலில் இந்தியா முதலிடத்தில் உள்ளது. அடுத்ததாக பட்டியலில் இடம்பிடித்திருப்பது ஒரு காலத்தில் கம்யூனிஸ்டுகளின் ஆதிக்கத்தில் இருந்த தோழமை நாடான ரஷியாதானாம். ஸ்விஸ் வங்கியில் கறுப்புப் பணத்தைப் பதுக்கி வைத்துள்ள நாடுகளின் முதல் ஐந்து நாடுகளில் அமெரிக்கா இடம்பெறவில்லை.

சர்வதேச நெருக்குதல்

ஒவ்வொரு நாட்டிலும் கறுப்புப் பண விவகாரம் பூதாகரமாக உருவெடுத்ததால் அனைத்து நாடுகளும் கறுப்புப் பணத்துக்கு புகலிடம் அளிக்கும் ஸ்விட்சர்லாந்துக்கு நெருக்குதல் அளித்தன. இதைத் தொடர்ந்து விவரம் தேவைப்படும் நாடுகள் கேட்டுக் கொண்டால் தங்கள் நாட்டில் பணத்தை வைத்துள்ளவர்களின் பட்டியலைத் தரத் தயார் என்று ஸ்விட்சர்லாந்தும் சர்வதேச நெருக்கடிக்குப் பணிந்து அறிவித்தது. 2011-ம் ஆண்டிலேயே ஸ்விட்சர்லாந்து இந்த அறிவிப்பை வெளியிட்டது. ஆனாலும் இந்திய அரசு எந்த கோரிக்கையும் வைக்கவில்லை. இது ஏன் என்பது அப்போதைய ஆட்சியாளர்களைத்தான் கேட்க வேண்டும்.

இந்தியா ஏழை நாடு என்று ஸ்விட்சர்லாந்து அரசிடம் கூறினால் நம்புவார்களா? அந்த நாட்டு வங்கியில் இந்தியர்கள் சேமித்து வைத்துள்ள தொகை இந்தியாவின் வெளிநாட்டுக் கடனை விட 13 மடங்கு அதிகமாகும்.

ஸ்விட்சர்லாந்துக்கு ஆண்டுதோறும் 80 ஆயிரம் பயணிகள் செல்கின்றனர். இவர்களில் 25 ஆயிரம் பேர் அடிக்கடி பயணம் மேற்கொள்கின்றனர். அடிக்கடி பயணம் மேற்கொள்பவர்களை விசாரித்தாலே அவர்கள் சென்று வந்ததன் நோக்கத்தைத் தெரிந்துகொள்ள முடியும்.

யாரிடம் அதிகம் இருக்கும்: பொதுவாக தொழில்துறையினர், வர்த்தகர்கள், அரசியல் தரகர்கள், அரசியல்வாதிகள், வழக்கறிஞர்கள், ஆடிட்டர்கள், சினிமாத்துறையினர் ஆகியோர் கறுப்புப் பணத்தை வைத்துள்ளனர். வெளிநாடுகளுக்கு ஏற்றுமதி செய்வோரும் பணத்தை பதுக்குகின்றனர். ஊழல் புரியும் ஐஏஎஸ், ஐபிஎஸ், ஐஆர்எஸ் அதிகாரிகளும் லஞ்சப் பணத்தை வெளிநாட்டு வங்கிகளில் முடக்குகின்றனர். இந்தப் பட்டியலில் சில கிரிக்கெட் வீரர்களும் உள்ளனர்.

2006-ம் ஆண்டு ஸ்விட்சர்லாந்து அரசு பட்டியலை வெளியிட்டது. அதில் இந்தியா போட்டுள்ள தொகை 1,45,600 கோடி டாலர். ரஷியா - 47,000 கோடி டாலர், இங்கிலாந்து - 39,000 கோடி டாலர், உக்ரைன்- 10,000 கோடி டாலர், சீனா - 9,600 கோடி டாலர் என குறிப்பிடப்பட்டுள்ளது.

ஸ்விட்சர்லாந்து வங்கியில் போடப்பட்ட தொகையே இவ்வளவு எனில் பிற நாட்டு வங்கிகளில் போடப்பட்ட தொகையைக் கணக்கிட்டால் தலை சுற்றுவது நிச்சயம். பங்குச் சந்தையில் முறையற்ற பங்கு வைத்திருப்பது, போதை மருந்து கடத்தல், போலியான திட்டப் பணிகள் மூலம் கிடைக்கும் பணம் ஆகியவையும் வெளிநாட்டு வங்கிகளில் போடப்படுகின்றன.

ஹவாலா

கறுப்புப் பண பரிவர்த்தனை பெரும் பாலும் ஹவாலா முறையில் மேற்கொள்ளப்படுகிறது. வெளிநாடு களுக்கு ஏற்றுமதி செய்வோர் மற்றும் முறையற்ற தொழில் புரிவோர் இத்தொழிலில் ஈடுபடுகின்றனர்.

கறுப்புப் பணம் வைத்துள்ள இந்தியர்களின் பட்டியலை விக்கிலீக்ஸ் இணையதளம் வெளியிட்டது. ஆனால் அரசு இதுகுறித்து விசாரணை நடத்தவில்லை.

ஜெர்மனியும் தங்கள் நாட்டில் பணத்தை போட்டவர்கள் பட்டியலைத் தர தயாராக இருந்தது. இவ்விதம் தங்கள் நாட்டில் உள்ள லெச்டென்ஸ்டீன் எல்ஜிடி வங்கியில் போட்ட 26 பேரின் பட்டியலை அளித்தது. இதில் 18 பேரின் விவரத்தை கடந்த ஏப்ரலில் மத்திய அரசு வெளியிட்டது. இந்தப் பட்டியலில் இருப்பவர்களில் பெரும்பாலோர் அறக்கட்டளைகள் பேரில் பணத்தை வெளிநாட்டு வங்கியில் முடக்கியுள்ளனர். இவர்கள் அனைவருமே தொழிலதிபர்களாவர்.

பயன்தருமா?

குழுவில் அதிக எண்ணிக்கையிலான உறுப்பினர்கள் இருப்பதால் நடவடிக்கை முடிய கால தாமதம் ஆகும் என்று கூறப்படுகிறது. ஆனால் முக்கியத் துறைகளின் தலைவர்கள் இருப்பதால் விசாரணை வலுவாக இருக்கும் என்று அரசு தரப்பு கூறுகிறது.

எச்சரிக்கை

அரசின் இந்த நடவடிக்கை கறுப்புப் பணத்தை பதுக்குவோருக்கு எச்சரிக்கையாக இருக்கும் என்பதில் சந்தேகமில்லை.

அமெரிக்கா வழியில்

இந்த விஷயத்தில் அமெரிக்க வழியை பின்பற்றினாலும் தப்பில்லை. வெளிநாட்டிலிருந்து பெறப்பட்ட பட்டியலில் இடம்பெற்றிருந்த கறுப்புப் பணத்தை பதுக்கிய தங்கள் நாட்டவர் களுக்கு அவர்கள் பதுக்கிய காலத்தி லிருந்து செலுத்த வேண்டிய வரி, அபராத வரியை விதித்து வசூலித்துள் ளது. இந்தியாவும் அத்தகைய நடைமுறையைப் பின்பற்றலாம்.

எப்படியிருப்பினும் இது நல்ல தொடக்கமே. இதன் சாதகமான பலன் நமக்கு நிச்சயம் வளம் சேர்க்கும் என்பதில் சந்தேகமில்லை.

அரசின் இந்த நடவடிக்கையை அண்ணா ஹசாரே போன்ற சமூக ஆர்வலர்கள் மட்டுமின்றி இடதுசாரி களும் வரவேற்றுள்ளனர். இந்த விஷயத்தில் அரசு எவ்வித சமரசமும் செய்துகொள்ளாமல் உறுதியாக செயல்பட்டால் சர்வதேச அளவில் இந்தியாவைப் பற்றிய மோசமான பிம்பம் மறைந்து பெருமை மேலோங்கும்.

ramesh.m@thehindutamil.co.in

மனிதரில் பால் சார்ந்த பண்புகள்...

01. கனிசர்க்கரை எனப்படும் கார்போஹைட்ரேட் - பிரக்டோஸ்.

02. கராமல் எனப்படுவது - நீர்நீக்கம் செய்யப்பட்ட சுக்ரோஸ்.

03. கார்போஹைட்ரேட்டுகளிலேயே மிக அதிகம் கிடைப்பது - செல்லுலோஸ்.

04. புரதங்களை நீரால் பகுத்தால் சுமார் 25 வகை அமினோ அமிலங்கள் கிடைக்கும்.

05. எல்லா செல்களிலும் உட்கரு அமிலங்கள் உள்ளன.

06. RNA, புரதங்களைத் தொகுத்தலில்முக்கிய பங்கு வகிக்கிறது.

07. குளுக்கோஸ், பிரக்டோஸ், காலக்டோஸ் போன்றவை - ஒற்றைச் சர்க்கரைகள்

08. நகம் மற்றும் முடியில் உள்ளது - கிராட்டின்.

09. செல்சுவரின் முக்கிய வேதிப்பொருள் - செல்லுலோஸ்.

10. சமையல் எண்ணையிலிருந்து பெறப்படும் கொழுப்பு அமிலம் - ஸ்டியரிக் அமிலம்.

11. உலகின் உயரமான மரம் - செக்கோயா

12. காட்டு மரங்களின் சக்கரவர்த்தி - தேக்கு

13. சமாதானத்தின் மலராக கருதப்படுவது - ஆலிவ்மரம்

14. பூத்துவிட்டால் விளைச்சல் குறையும் தாவரம் - கரும்பு.

15. கிரிக்கெட்மட்டை தயார் செய்யப்பயன்படுவது - வில்லோ மரம்.

16. தாவர உலகின் இருவாழ்விகள் - பிரையோபைட்டா.

17. மிகப்பெரிய பூ - ரப்ளேசியா.

18. மரத்தின் மேல் தொற்றிவாழும் தாவரங்கள் - எபிபைட்டுகள்.

19. இடப்பெயர்ச்சி பண்பினால் விலங்கு என்றும், ஒளிச்சேர்க்கை பண்பினால் தாவரம் என்றும் கருதப்படும் உயிரினம் - யூக்ளினா.

20. மிகச்சிறிய பூக்கும் தாவரம் - உல்பியா.

21. Painter's Lady எனச்சிறப்பிக்கப்படும் உயிரினம் - பட்டாம்பூச்சி.

22. சிரிக்கும் மீன் என்றழைக்கப்படுவது - டால்பின்

23. விரல்கள் இல்லாத போதிலும் நகங்கள் பெற்றுள்ள விலங்கு - யானை

24. பறவைகளின் அரசன் எனப்படுவது - கழுகு.

25. தண்ணீரே அருந்தாத உயிரினம் - கங்காரு, எலி.

26. நீண்டகாலம் உயரிவாழும் பறவை - நெருப்புக் கோழி.

27. உலகின் மிகப்பெரிய விலங்கு - நீலத் திமிங்கலம்.

28. உலகின் மிகச்சிறிய முதுகெலும்பி - பிலிப்பைன் கோபி மீன்

29. முட்டையிடும் பாலூட்டிகள் - எறும்புத்தின்னி மற்றும் பிளாடிபஸ்.

30. மாறா வெப்பநிலை கொண்ட உயிரிகள் - பறவைகள்.

31. செல்கள் அனைத்து 5-க்கும் 5000-க்கும் இடைப்பட்ட  விட்ட அளவை கொண்டவை.

32. செல்லின் சுவாச நுண்ணுறுப்புகள் என்றழைக்கப்படுபவை - மைட்டோகாண்டிரியா

33. கோல்கை உறுப்புகள் இல்லாத செல்கள் - இரத்த சிவப்பணுக்கள்.

34. லைசோசோம்கள் உருவாகும் இடம் - கோல்கை உறுப்புகள்.

35. ஒரு செல் முதிர்ச்சியினால் இறக்கும்போது அதிலுள்ள லைசோசோம்கள் அதை முழுமையாக செரித்து விடுவது - ஆட்போலைசிஸ்.

36. உட்கரு காணப்படும் செல்கள் - யுகேரியோட்டுகள்.

37. யூக்ளினா, பரமேசிளம், பிளாஸ்மோடியம் போன்றவை ஒரு செல் உயிரிகளாகும்.

38. விலங்கு செல்லின் புற எல்லையாக அமைவது - பிளாஸ்மா சவ்வு.

39. லைசோசோம்கள் நேரடியாக அகப்பிளாச வாலயலிருந்தும் தோன்றுகின்றன.

40. ரைசோம்களை முதலில் கண்டறிந்து விளக்கியவர் -ஜீ.இ. பாலடே.

41.A x B இரத்த வகையுள்ள பொற்றோர்களின் வாரிசுகளுக்கு A,AB,B,O போன்ற இரத்த வகைகள் உருவாக சாத்தியமுள்ளது.

42. கறுப்பு, வெள்ளை பெற்றோரின் முதல் தலைமுறைக் குழந்தைகள் - முல்லடோக்கள்.

43. மனிதரில் காணப்படும் மரபணு நோய் சிக்கல் - செல் அனீமீயா.

44. மனிதரில் பால் சார்ந்த பண்புகள் - X சார்ந்தவை.

45. மரபியல் ஆராய்ச்சிக்குப் பெரிதும் பயன்படுவது - பழப்பூச்சி.

46. சில நோய்கள் பாரம்பரியமாக மரபியில் ரீதியாக ஏற்படுகிறது என முதலில் விளங்கியவர் - ஜெராடு.

47. டி.என்.ஏ., ஆர்.என்.ஏவாக மாற்றப்படுவது - படி எடுத்தல் எனப்படும்.

48. வெங்காயத்தின் எட்டு ஜோடி குரோமோ சோம்கள் உள்ளன.

49. DNA வை குறிப்பிட்ட இலக்குகளில் துண்டிப்பது - ரெஸ்ட்ரிக்கின் எண்டோநியூக்ளியஸ் நொதி.

50. ஒரு ஜீன் ஒரு நொதி கோட்பாட்டை வெளியிட்டவர்கள் - பீடில் மற்றும் டாட்டம்.

பறக்கும் மீன்

இது ‘எக்ஸோகோடிடடே’ என்ற குடும்பத்தைச் சேர்ந்த மீன். இதைத்தான் பறக்கும் மீன் என்று அழைக்கின்றனர். அட்லாண்டிக், பசிபிக், இந்தியப் பெருங்கடலில் அதிகம் காணப்படும் மீன். பொதுவாக மீன் நீந்துவதற்கு அதன் துடுப்புகளையே பயன்படுத்தும். இந்த மீன் அதைப் பறக்கவும் பயன்படுத்திக் கொள்கிறது. அதுதான் இந்த மீனின் சிறப்பு. இதன் துடுப்புகள் மற்ற மீன்களுக்கு உள்ளது போல் இருக்காது. பெரியதாகவும், பறவைகளின் இறகுகளைப் போலவும் இருக்கும்.

கடலில் தொடர்ந்து 1300 மீட்டர் தொலைவுக்கு எக்ஸோகோடிடடே மீனால் பறக்க முடியும். இதன் வால் நிமிடத்திற்கு சுமார் 70 முறை வேகமாக ஆடக் கூடியது. அதனால் உடலை சமநிலைப்படுத்தி (பேலன்ஸ்), தன் இறக்கையை விரித்து டால்பின் போல தண்ணீரிலிருந்து மேலே எழும்பிப் பறக்கிறது. நீரினுள் இருக்கும் போதே பறப்பதற்கு முன் ஓடுதளத்தில் ஓடும் விமானம் போல் வேக மெடுத்து, நீரின் மேற்பரப்பை நோக்கி இந்த மீன் நீந்தி வரும். நீர்பரப்பை அடைந்ததும் தன் துடுப்புகளை முழுவதும் விரித்துத் துள்ளித் தாவும். சுமார் 20 அடி உயரம் வரை பறக்க முடியும். மீண்டும் தண்ணீருக்குள் செல்லும்போது துடுப்புகளை சுருக்கிக் கொள்ளும்.

மலைவாச வரையாடு

#தமிழ்நாட்டின் மாநில விலங்கு நீலகிரி வரையாடு. அழிந்துவரும் இனங்களின் பட்டியலில் வரையாடு இடம்பெற்றுள்ளது.

#வரையாடுகள் மேற்குத் தொடர்ச்சி மலைப்பகுதியில் காணப்படுகின்றன.

# கடல் மட்டத்திலிருந்து 1,200 முதல் 2,600 மீட்டர் உயரம் உள்ள மலையில் புற்கள் அடர்ந்த சோலைப் புல்வெளி பகுதியில் இவை வசிக்கும்.

# பாறைகளில் முளைத்துள்ள புற்களையும், தாவர இலைகளையும் இவை உண்ணும்.

# முதிர்ந்த ஆண் வரையாடு சராசரியாக 100 கிலோ எடையும் 110 செ.மீ. உயரமும் இருக்கும். பெண் வரையாடு சராசரியாக 50 கிலோ எடையும் 80 செ.மீ. உயரமும் இருக்கும்.

# பெண் வரையாட்டின் கொம்பு ஆண் வரையாட்டின் கொம்பைவிடக் குட்டையாகவும் பின்னோக்கிச் சரிவாகவும் காணப்படும்.

# ஆண் வரையாடு அடர் பழுப்பும் (Dark Brown) மெல்லிய கறுப்பும் கலந்த வண்ணத்தில் இருக்கும். பெண் சாம்பல் நிறத்தில் காணப்படும்.

# ஜூன் முதல் ஆகஸ்ட் வரையிலான மாதங்களில் வரையாடுகள் இனப்பெருக்கம் செய்யும். ஆறு மாத காலம் வயிற்றில் குட்டியைச் சுமக்கும்.

#இவற்றின் சராசரி ஆயுள் காலம் மூன்று முதல் மூன்றரை ஆண்டுகளே. ஆனால், சில வரையாடுகள் ஓராண்டு கூடுதலாகவும் வாழ்கின்றன.

# 2010-ம் ஆண்டு கணக்கெடுப்பின்படி சுமார் 2,600 வரையாடுகள் காணப்படுகின்றன. மேற்குத் தொடர்ச்சி மலையின் 5 சதவிகித இடங்களில் பரவியுள்ள இவை தமிழ்நாட்டிலும் கேரளாவிலும் மட்டுமே வாழ்கின்றன.

கேபினட் அமைச்சர், இணை அமைச்சர் வேறுபாடு என்ன?

மத்திய அமைச்சரவையில் கேபினட் அமைச்சர்கள், இணை அமைச்சர்கள் (தனிப் பொறுப்பு), இணை அமைச்சர்கள் என்ற மூன்று பிரிவுகள் உள்ளன. இந்த மூன்று பிரிவுக்கும் முக்கிய வேறுபாடுகள் இருக்கின்றன. இவையல்லாமல் துணை அமைச்சர் என்ற அந்தஸ்தில் சிலரை நியமிக்கவும் சட்டம் இடம் தருகிறது. ஆனாலும் பெரும்பாலும் இந்தியாவில் அப்படி நியமிப்பதில்லை.

கேபினட் என்பது, 'மத்திய அரசுக்குள் ஒரு குட்டி அரசு' என்று சொல்லத்தக்க வகையில் சக்திவாய்ந்த உயர் அதிகார அமைப்பாகும். கேபினட்டில் முக்கியமான துறைகளின் அமைச்சர்கள் இருப்பார்கள். இந்த அமைச்சர்கள் பெரும்பாலும் மூத்தவர் களாகவும் பல்வேறு துறைகளில் ஆழ்ந்த அனுபவமும் அறிவும் வாய்க்கப்பெற்றவர் களாகவும் இருப்பார்கள். அரசியல், சட்டம், தொழில்நுட்பம், வேளாண்மை, வாணிபம், ராணுவம், வெளியுறவு, தொழில்துறை ஆகியவற்றில் தனிச் சிறப்பு பெற்றவர்களாகவும் இருப்பார்கள்.

மத்திய அமைச்சரவையில் இடம்பெறும் கேபினட் அமைச்சர்கள் ஒன்று அல்லது ஒன்றுக்கு மேற்பட்ட துறைகளைத் தங்கள் வசம் வைத்திருப்பார்கள். அவர்களுடைய துறை பெரியதாக இருந்தால் ஒன்று அல்லது இரண்டு இணை அமைச்சர்களை உதவிக்கு அமர்த்திக்கொள்வார்கள்.

இணை அமைச்சர்களில் ‘தனிப்பொறுப்பு' உள்ளவர்களும் உண்டு. குறிப்பிட்ட சில துறைகளுக்கு சிறப்பு கவனம் செலுத்தப்பட வேண்டும் என்று பிரதமர் நினைத்தால் அதை மட்டும் தனியாகப் பிரித்து, இணை அமைச்சரின் தனிப்பொறுப்பில் விடுவது உண்டு. சிவில் விமானப் போக்குவரத்து போன்ற துறைக்கு கேபினட் அந்தஸ்துள்ள அமைச்சர் வேண்டாம் என்று நினைத்தால் தனிப்பொறுப்பாக ஒரு இணை அமைச் சரிடம் தருவது உண்டு.

கேபினட் அமைச்சர்கள் சில வேளை களில், அவர்களுக்கென்று ஒதுக்கிய துறை போக, பிரதமரின் வேண்டுகோளின்பேரில் மற்றொரு துறையையும் கூடுதலாக வகிப்பதும் உண்டு. சக கேபினட் அமைச்சர் வெளிநாடு செல்லும்போதோ, உடல் நலக்குறைவால் சிகிச்சை பெறும்போதோ இப்படி கூடுதல் பொறுப்பை வகிப்பார்கள். அமைச்சரவையிலிருந்து யாராவது விலக நேர்ந்தால் தற்காலிக ஏற்பாடாக அந்தத் துறையை இன்னொரு அமைச்சரிடம் கூடுதல் பொறுப்பாகவும் தருவார்கள்.

கேபினட்டில் இடம் பெற்ற அமைச் சர்கள் மட்டுமே கேபினட் கூட்டங்களில் பங்கேற் பார்கள். அவசியம் ஏற்பட்டால் மட்டுமே, இணை அமைச்சர்கள் கேபினட் கூட்டங்களுக்கு விசேஷமாக அழைக்கப் படுவார்கள்.

கேபினட்டில் முக்கிய முடிவுகள் எடுக்கும்போது அந்தந்தத் துறைக்கு உரிய அமைச்சர்கள் மட்டுமின்றி இதர அமைச்சர்களும் கருத்துகளைத் தெரிவிப் பார்கள். கேபினட் கூட்டத்தில் நடக்கும் விவாதங்களும் எடுக்கப்படும் முடிவுகளும் முறையாகப் பதிவு செய்யப்படும்.

இணை அமைச்சர்களில் தனிப் பொறுப்பு என்று அறிவிக்கப்படுகிறவர்கள் தங்களுடைய துறை தொடர்பான எல்லா முடிவுகளையும் அவர்களே எடுப்பார்கள். பிரதமரின் நேரடிக் கட்டுப்பாட்டில் அவர் கள் செயல்படுவார்கள்.

தனிப்பொறுப்பல்லாத இணை அமைச் சர்கள், தத்தமது துறையின் கேபினட் அமைச்சரின் வழிகாட்டலின்படி தங் களுக்கு ஒதுக்கப்பட்ட வேலைகளைச் செய்வார்கள். இவர்களை 'அதிகாரம் இல்லாத அமைச்சர்கள்' என்று அரசியல் வட்டங்களில் கேலி செய்வார்கள். சில மூத்த அமைச்சர்கள் இணை அமைச் சர்கள் மீது நம்பிக்கை வைத்து, பொறுப்பு களை அளித்து நன்றாகத் தயார் செய்வார் கள். வேறு சிலரோ அவர்களைக் கண்டு கொள்ளவே மாட்டார்கள். சில இணை அமைச்சர்கள் தாங்கள் உட்கார மேஜை, நாற்காலிகூட இல்லை என்று கேபினட் அமைச்சர்களிடமே முறையிட்டதும் உண்டு.

நாடாளுமன்றக் கூட்டங்களில் கேபினட் அமைச்சர் அவைக்கு வர முடியாத சந்தர்ப்பங்களில், இணை அமைச்சர்கள், கேள்விகளுக்குப் பதில் அளிப்பது உண்டு. அரசியல் காரணத்துக்காக ஒருவருக்கு கேபினட் அந்தஸ்து தரப்படுவதும் அவருக்காக அந்தத் துறையின் பணிகளைக் கவனிக்கும் பொறுப்பை இணை அமைச்சரே மேற்கொள்வதும் சமீபத்தில்கூட நடந்திருக்கிறது. நாடாளு மன்றத்தில் கேள்வி நேரத்தில் பதில் சொல்லும் பொறுப்பை கேபினட் அமைச் சருக்குப் பதிலாக இணை அமைச்சரே சொல்ல நேர்ந்திருக்கிறது.

இணை அமைச்சர்கள் துறைக்கும் கேபினட் அமைச்சருக்கும் பாலமாக இருந்து செயல்படுவார்கள். நாடாளு மன்றப் பணிகளிலும் அவருக்கு உதவுவார் கள். அதன் மூலம் அவர்களும் நிர்வாகப் பயிற்சியைப் பெறுவார்கள்.

இணை அமைச்சர்களாக நியமிக்கப் படுகிறவர்கள் பெரும்பாலும் இளைஞர் களாகவோ, அமைச்சர் பொறுப்புக்குப் புதியவர்களாகவோ இருப்பார்கள்.

பிரதமர் அலுவலகத்தில் பணியாற்ற இணையமைச்சர் அந்தஸ்தில் ஒருவர் நியமிக்கப்பட்டிருக்கிறார். கடந்த ஆட்சி யிலும் இப்படியொரு இணையமைச்சர் இருந்தார்.

நாடாளுமன்றத்தின் மொத்த உறுப்பினர் களில் (மக்களவை, மாநிலங்களவை) சுமார் 10% வரையிலான எண்ணிக்கையில் மத்திய அமைச்சரவை இருக்கலாம் என்று நிர்வாக சீர்திருத்தக்குழு பரிந்துரை செய்திருக்கிறது. அதே சமயம் மொத்தம் எத்தனை துறைகள் இருக்கலாம், எத்தனை கேபினட் அமைச்சர்கள் இருக்கலாம், எத்தனை இணை அமைச் சர்கள் இருக்கலாம் என்றெல்லாம் அது பரிந்துரைக்கவில்லை. இவை அனைத்தும் பிரதமரின் விருப்ப அதிகாரத்துக்கும் செல்வாக்குக்கும் உள்பட்டவை.

கேபினட் அமைச்சர்களைவிட இணை அமைச்சர்களுக்கு ஊதியம், படிகள், சிறப்புச் சலுகைகள் போன்றவை குறை வாகவே இருக்கக்கூடும். கேபினட் அமைச் சர்களுக்கு பங்களா, கார் போன்ற வசதிகளும் அதிகமாகவே இருக்கும். அரசியல்ரீதியாகவும் கேபினட் அமைச்சர் களுக்கு செல்வாக்கு அதிகம். இருப் பினும் இணை அமைச்சர்கள் நாடாளு மன்ற ஜனநாயகத்தின் இன்றிய மையாத அம்சமாகிவிட்டார்கள். கேபினட் அமைச் சர்களை அணுக முடியாதவர்கள் இணை அமைச்சர்களை எளிதில் அணுக முடியும்.

ஐஏஎஸ் தேர்வில் வயது வரம்பு, வாய்ப்புகளில் அனைத்து வகுப்பினருக்கும் 2 ஆண்டு சலுகை: இந்த ஆண்டு முதல் புதிய நடைமுறை அறிமுகம்

இந்த ஆண்டு ஐஏஎஸ் உள்ளிட்ட சிவில் சர்வீஸ் தேர்வுகளில் வயது வரம்பு மற்றும் வாய்ப்புகளில் பொதுப்பிரிவினர் உள்பட அனைத்து வகுப்பினருக்கும் 2 ஆண்டுகள் சலுகை வழங்கும் புதிய நடைமுறை அறிமுகப்படுத்தப்படுகிறது.

ஐஏஎஸ், ஐஎப்எஸ், ஐபிஎஸ், ஐஆர்எஸ் உள்பட 24 விதமான அரசு உயர் அதிகாரிகளை நேரடியாகத் தேர்வு செய்வதற்காக ஆண்டுதோறும் சிவில் சர்வீசஸ் தேர்வு நடத்தப்படுகிறது. மத்திய அரசுப் பணியாளர் தேர்வாணையம் (யூபிஎஸ்சி) நடத்தும் இந்தத் தேர்வை எழுத ஏதேனும் ஒரு பட்டப் படிப்பு முடித்திருக்க வேண்டும்.

வயது 21 முதல் 30-க்குள் இருக்க வேண்டும். இதர பிற்படுத் தப்பட்ட வகுப்பினருக்கு (ஓபிசி) 3 ஆண்டுகளும், எஸ்சி, எஸ்டி பிரிவினருக்கு 5 ஆண்டுகளும் வயது வரம்பில் சலுகை அளிக்கப் படுகிறது. பொதுப்பிரிவினர் 4 முறையும் (அட்டெம்ட்), ஓபிசி வகுப் பினர் 7 தடவையும், எஸ்சி, எஸ்டி பிரிவினர் 35 வயது வரை எத்தனை தடவை வேண்டுமானாலும் முயற்சி செய்யலாம்.

வயது வரம்பு, வாய்ப்புகளில் சலுகை

இந்நிலையில், நடப்பு ஆண்டு அறிவிக்கப்பட உள்ள சிவில் சர்வீசஸ் தேர்வில் அதிரடி மாற்றங் கள் கொண்டுவரப்பட உள்ளன. அதன்படி, பொதுப்பிரிவினர் உள்பட அனைத்து வகுப்பினருக்கும் கூடுதலாக 2 வாய்ப்புகளும், வயது வரம்பில் கூடுதலாக 2 ஆண்டுகளும் சலுகை வழங்க யூபிஎஸ்சி முடிவு செய்துள்ளது.

இதன்மூலம், பொதுப்பிரிவினர் 32 வயதுவரை ஐஏஎஸ் தேர்வு எழுதலாம். அத்துடன் அவர்கள் 6 முறை முயற்சி செய்யலாம். அதேபோல், ஓபிசி வகுப்பினர் 35 வயதுவரை ஐஏஎஸ் தேர்வு எழுத முடிவதுடன் 9 முறை முயற்சிக்கலாம். எஸ்சி, எஸ்டி வகுப்பினர் 37 வயது வரை சிவில் சர்வீசஸ் தேர்வு எழுத முடியும். கூடுதலாக 2 வாய்ப்புகளும் கிடைக்கும் என்பது குறிப்பிடத்தக்கது.

மே 31-ல் தேர்வு அறிவிப்பு

மேற்கண்ட மாற்றங்கள் இந்த ஆண்டு நடத்தப்பட உள்ள சிவில் சர்வீசஸ் தேர்வில் அறிமுகப்படுத்தப்படுகின்றன. தேர்வு தொடர்பான அறிவிப்பு மே 31-ம் தேதி வெளியிடப்படுகிறது. தேர்வு முறையிலோ, தேர்வுக்கான பாடத்திட்டத்திலோ எவ்வித மாற்றமும் இல்லை என்று யூபிஎஸ்சி அறிவித்துள்ளது.

தற்போது முதல்நிலைத் தேர்வு தமிழகத்தில் சென்னை மற்றும் மதுரையில் நடத்தப்பட்டு வருகிறது. கூடுதலாக கோவையிலும் முதல்நிலைத்தேர்வு மையம் அமைக்கப்படும் என்று முந்தைய காங்கிரஸ் அரசு அறிவித்திருந்தது. கோவை மையம் இடம்பெறுமா, இல்லையா என்பது மே 31-ம் தேதி வெளியிடப்படும் தேர்வு அறிவிக்கையில்தான் தெரியும்.

கிராமப்புற மாணவர்களுக்கு வரப்பிரசாதம்

சிவில் சர்வீசஸ் தேர்வில் கூடுதலாக 2 வாய்ப்புகள் மற்றும் 2 ஆண்டு வயது வரம்பு சலுகை அளிக்கப்படுவது குறித்து தமிழக அரசின் அகில இந்திய குடிமைப்பணிகள் தேர்வு பயிற்சி மைய இணை பேராசிரியை பி.பிரேம்கலா ராணி கூறியதாவது:

அனைத்து வகுப்பினருக்கும் கூடுதலாக 2 வாய்ப்புகளும், 2 ஆண்டு வயது வரம்பு சலுகைகளும் அளிக்கப்படுவதால் ஐஏஎஸ் தேர்வுக்கு படித்து வரும் மாணவ, மாணவிகள் குறிப்பாக விளம்பு நிலையில் இருப்பவர்கள் பெரிதும் மகிழ்ச்சி அடைவர்.

இன்னும் ஒரு வாய்ப்பு இருந்தால் தேர்வில் வெற்றி பெற்றுவிடலாம் என்று நினைப்பவர்களுக்கு இந்த வாய்ப்புகள் பெரும் வரப்பிரசாத மாக இருக்கும். அதேபோல், சிவில் சர்வீசஸ் தேர்வு குறித்து தாமதமாக விழிப்புணர்வு கிடைக்கப் பெற்று, தேர்வுக்கு படித்து வரும் கிராமப்புற மாணவ, மாணவிகளுக்கும் இந்தச் சலுகைகள் பெரும் வாய்ப்பாக இருக்கும்.

இவ்வாறு பிரேம்கலா ராணி கூறினார்.

திடீர் மாற்றத்துக்கு காரணம்

சென்னை ஷங்கர் ஐ.ஏ.எஸ். அகடமி இயக்குநர் டி.சங்கர் கூறியதாவது:

கடந்த ஆண்டு சிவில் சர்வீசஸ் மெயின் தேர்வில் பல்வேறு மாற்றங்களை கொண்டு வந்தனர். 2 விருப்பப் பாடங்கள் என்பது ஒன்றாக குறைக்கப்பட்டு பொது அறிவுத்தாள் எண்ணிக்கை 4 ஆக அதிகரிக்கப்பட்டது.

ஏற்கெனவே, தொடர்ந்து பல பழைய தேர்வுத் திட்டத்தில் படித்துவந்த மாணவர்களுக்கு மெயின் தேர்வில் செய்யப்பட்ட திடீர் மாற்றங்களை எதிர்கொள்ள சிரமமாக இருந்தது. இதைச் சமாளிக்கும் வகையில் தேர்வெழுத கூடுதல் வாய்ப்புகளை வழங்குவதுடன், வயது வரம்பையும் அதிகரிக்க வேண்டும் என்று மத்திய அரசுக்கு கோரிக்கை விடுத்தனர்.

அந்தக் கோரிக்கையை ஏற்று அனைத்து வகுப்பினருக்கும் கூடுதலாக 2 வாய்ப்புகளும், 2 ஆண்டு வயது வரம்பு சலுகைகளும் அளிக்கப்பட்டுள்ளன. இதனால், தற்போது கடைசி வாய்ப்பு, வயது வரம்பில் கடைசி நிலையிலும் இருக்கும் மாணவர்கள் குறிப்பாக, கிராமப்புற மாணவர்கள் பெரிதும் பயன்பெறுவர். கிராமப்புற இளைஞர்களுக்கு சிவில் சர்வீசஸ் தேர்வு பற்றிய விழிப்புணர்வு தாமதமாக ஏற்படுவதால், தற்போது அளிக்கப்படும் சலுகைகள் அவர்களுக்கு வரப்பிரசாதமாக இருக்கும்.

இவ்வாறு சங்கர் கூறினார்.